فلم ساز راج کمار ہیرانی نے بتایا کہ ان کے بیٹے ویر ہیرانی پہلے ہدایت کاری میں دلچسپی رکھتے تھے اور پی کے اور سنجو جیسی فلموں میں ان کے ساتھ اسسٹنٹ کے طور پر کام بھی کر چکے تھے۔ تاہم سنجو کی شوٹنگ کے دوران رنبیر کپور کے ساتھ وقت گزارنے کے بعد ویر نے اداکار بننے کا فیصلہ کیا۔ ہیرانی نے پہلے انہیں سمجھانے کی کوشش کی، لیکن ویر نے 3 ایڈیٹس کا پیغام یاد دلاتے ہوئے کہا کہ انسان کو وہی کرنا چاہیے جو اس کا دل چاہے۔ اس کے بعد ویر نے چھ سے سات سال تک تھیٹر اور اداکاری کی تربیت حاصل کی اور خود ہی پریتم اینڈ پیڈرو کے لیے آڈیشن دیا۔ ہدایت کار اویناش ارون نے ان کی صلاحیت دیکھ کر انہیں منتخب کیا۔ نیپوٹزم کے سوال پر ہیرانی نے کہا کہ آخرکار کامیابی صرف محنت اور صلاحیت سے ہی حاصل ہوتی ہے۔
راج کمار ہیرانی کا انکشاف، رنبیر کپور نے بیٹے ویر کو اداکار بننے کی ترغیب دی
.webp)
