بانکی پور ضمنی انتخاب میں پرشانت کشور کی برتری برقرار

ٹنہ: بہار کے بانکی پور اسمبلی حلقے کے ضمنی انتخاب کی ووٹوں کی گنتی پیر کی صبح اے این کالج، پٹنہ میں سخت سیکیورٹی کے درمیان شروع ہوئی۔ انتخابی حکام نے شفاف اور پرامن گنتی کے لیے خصوصی انتظامات کیے ہیں۔

گنتی مرکز میں صرف مجاز افسران، امیدواروں اور ان کے نمائندوں کو داخلے کی اجازت دی گئی ہے۔ ہر داخلی راستے پر سخت جانچ کی جا رہی ہے۔

یہ ضمنی انتخاب بہار کی سیاست کے لیے انتہائی اہم سمجھا جا رہا ہے اور اس کے نتائج پر پورے صوبے کی نظریں جمی ہوئی ہیں۔

جن سوراج کے امیدوار *پرشانت کشور* ابتدائی مرحلوں سے مسلسل سبقت حاصل کیے ہوئے ہیں۔ ہر نئے راؤنڈ کے ساتھ ان کی برتری میں اضافہ ہوتا گیا۔

*13ویں راؤنڈ* کے بعد پرشانت کشور کو *26,113 ووٹ* ملے اور وہ *7,119 ووٹوں* کی برتری کے ساتھ پہلے نمبر پر رہے۔ بی جے پی کے *نیرج سنہا* دوسرے جبکہ آر جے ڈی کی *ریکھا کماری* تیسرے نمبر پر ہیں۔

اس سے قبل 12ویں راؤنڈ کے بعد پرشانت کشور *6,646 ووٹوں* سے آگے تھے، جبکہ 11ویں راؤنڈ کے بعد ان کی برتری *6,419 ووٹ* تھی۔

10ویں راؤنڈ تک انہیں *20,059 ووٹ* ملے تھے جبکہ بی جے پی امیدوار کے حصے میں *14,048 ووٹ* آئے تھے۔ اسی مرحلے تک *185 ووٹروں* نے نوٹا کا انتخاب کیا تھا۔

ساتویں راؤنڈ کے بعد جن سوراج کے دفتر میں کارکنوں نے جشن منانا شروع کر دیا کیونکہ پرشانت کشور کی برتری مسلسل بڑھ رہی تھی۔

اس ضمنی انتخاب میں *25 امیدوار* میدان میں ہیں۔ ووٹوں کی گنتی *21 راؤنڈ* اور *14 ٹیبلز* پر کی جا رہی ہے۔ پہلے پوسٹل بیلٹ اور پھر ای وی ایم کے ووٹ شمار کیے جا رہے ہیں۔

اس حلقے میں *34.31 فیصد* ووٹنگ ریکارڈ کی گئی تھی اور *1,30,234 ووٹروں* نے اپنا حقِ رائے دہی استعمال کیا۔ تمام راؤنڈ مکمل ہونے کے بعد حتمی نتیجہ سامنے آئے گا۔