مرکزی وزیر نتن گڈکری نے ای20 ایتھانول بلینڈ فیول پالیسی سے متعلق سوشل میڈیا پر گردش کرنے والی مبینہ توہین آمیز پوسٹس اور ڈیپ فیک مواد کے خلاف بمبئی ہائی کورٹ سے رجوع کیا ہے۔ ان کا کہنا ہے کہ یہ مواد گمراہ کن ہے اور اس سے ان کی ساکھ کو نقصان پہنچا ہے۔
گڈکری نے عدالت سے میٹا، ایکس، گوگل اور دیگر متعلقہ اداروں کے خلاف سول کارروائی شروع کرنے کی اجازت طلب کی تھی۔ عدالت نے ان کی درخواست منظور کرتے ہوئے سول مقدمہ دائر کرنے کی اجازت دے دی ہے۔
درخواست میں الزام لگایا گیا ہے کہ سوشل میڈیا پر بعض پوسٹس میں جھوٹا دعویٰ کیا جا رہا ہے کہ ای20 پروگرام سے نتن گڈکری اور ان کے خاندان کو مالی فائدہ پہنچ رہا ہے۔ انہوں نے ان الزامات کو بے بنیاد اور گمراہ کن قرار دیا ہے۔
درخواست میں یہ بھی کہا گیا ہے کہ ای20 ایتھانول بلینڈ فیول پالیسی کا نفاذ وزارتِ پیٹرولیم و قدرتی گیس کے تحت ہوتا ہے، اس لیے انہیں ذاتی طور پر اس منصوبے سے جوڑنا اور مالی فائدے کا دعویٰ کرنا حقائق کے منافی ہے۔
نتن گڈکری نے عدالت سے مطالبہ کیا ہے کہ مبینہ جھوٹے، ہتک آمیز اور ڈیپ فیک مواد تیار کرنے اور پھیلانے والوں کے خلاف مناسب قانونی کارروائی کی جائے تاکہ ان کی ساکھ کو مزید نقصان نہ پہنچے۔
.jpg)
.jpg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.webp)
